أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » مر الظعن يا جمال بالغاضريه
 الشعر الشعبي

المقالات مر الظعن يا جمال بالغاضريه

القسم القسم: الشعر الشعبي الشخص الكاتب: أبو علي الناصري التاريخ التاريخ: ٢٠١٨/٠٥/٢٩ المشاهدات المشاهدات: ١٤٠٤ التعليقات التعليقات: ٠

مر الظعن يا جمال بالغاضريه

أبو علي الناصري

مر الظعن يا جمال بالغاضريه

 

خوفي لحسين وعباس عدهم وصيه

قبل المدينه

 

مر الظعينه

بالغاضريه

 

 

 

اعيال النبي رد الهضم يحديهم

لمن وصل مفرق طرق حاديهم

واشلون تمشي ابكربله اتخليهم

الجيتي ايحسبون أيام أرجع وأمرهم

لا تمشي بينه

 

والحادي ناوي اليثرب ايوديهم
نادت الحره إخواني مر اعليهم
ايحسبون خوفي هالقلب ناسيهم
شنهو العذر وبيا روح من أمشي عنهم

مر الظعينه

بالغاضريه

 

 

 

أقبل الحادي وناده يا لتنشدين

الوجه العليل الحره دارت هالعين

وصلته ونادت يا فخر كل ياسين

خاف من أروح اتگولون يمكن نستنه

ابفضلك علينه

 

هذي معالم كربله يخت احسين
وصاحت يا عمه من ادفنت عودك وين
جينه نودعكم يا خويه وماشين
واشلون اختنه ابهالحال ما ودعتنه
مر الظعينه

بالغاضريه

 

 

 

ما أحجي همي وحزني الماذيني

وچن صوت ناده يا هله ابضي عيني

عندي وصيه ورايد اتسمعيني

بعده الگلب يلهب نار يا خويه ضامي

صحت الولينه

 

مريت أسمعك خويه شتوصيني
اشلون الگبر بينچ يحول وبيني
يم گبر جدي وأمي اتذكريني
أسمع بواچي الرضعان وآنه ابمنامي
مر الظعينه

بالغاضريه

 

 

 

يم گبر جدي حالتي احچيها

وأم البنين الطاهره واسيها

وداري يا زينب ظلمه لا تخليها

صاحت أنفذ شتگول لو بيها موتي

وياك إجينه

 

ولمي مآسي سفرتچ أرويها
والها سلامي ولهفتي بلغيها
ولا يرد مهضوم اليمر اعليها
أدري وگلت للجمّال مرني اعله خوتي
مر الظعينه

بالغاضريه

 

 

 

نادت يا عمه گومي خذ بيميني

وصلت وصاحت يا گمر تدريني

جيت وأمل عندي يا تعب اسنيني

طول الدرب يا عباس أنحب وانادي

انلوح بيدينه

 

الگبر الكفلني يا علي وديني

جيت وعلى گبرك تگ طر عيني

يا اما نسيتك وانت ما ناسيني
لا تنسه خوتي ابممشاك مرهم يحادي
مر الظعينه

بالغاضريه

 

 

 

لن صوت أبو فاضل صدر من نحره

راعي حياتچ بالحزن يالحره

لچن اشبيدي اعله الزمان وغدره

واعيالي يم الأحزان أسمع بچيهم

ونادت اسكينه

 

خويه يا مهجة حيدره والزهره
أسمع ونينچ يرتفع بالحسره
طاحن يزينب يمنتي واليسره
من صحتي يا حادي النوگ مرني عليهم
مر الظعينه

بالغاضريه

 

 

 

وعندي وصيه وهالحچي اتسمعينه

واعله الكفاله والوفه اتعلمينه

وهو اليكفلچ لمن اتخبرينه

أفرح لون لجلچ يضحي ابعينه

لو إبني حاديكم صار مريني يختي

وهم تآمرينه

 

إبني يزينب انتي لتربينه
ويطلب ابثار احجابچ اتخلينه
رايتي وسيفي وجودي اتسلمينه
والعمته يفدي ابفخر چفينه
وابجيتچ يخت احسين تبرد جمرتي
مر الظعينه

بالغاضريه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017