أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات ثار الله

القسم القسم: الشعر الشعبي الشخص الكاتب: أحمد العبادي التاريخ التاريخ: ٢٠١٨/٠٥/٢٩ المشاهدات المشاهدات: ١٥٠٨ التعليقات التعليقات: ٠

ثار الله

أحمد العبادي

يثار الله وحامي المله

 

هالحب كله يصيح حسين

 

حبك سر أبين أضلوعي

حبك ثوب الهيبه ولايق

يصوت الروح البروحي

يحب أبقطرات المرضع

بهمس يناقي

ويناشد هالثورة منين

 

وعدوانك بيه متحيرين

وأتفاخر بيه عالباقين
يهتف بين التكوين
چف يلولي بأسم حسين
ويفزع طاغي
هالحب كله يصيح حسين

 

نحسب دربك خطوة بخطوة

خطوة بحسرة خطوة بلهفة

تارة الخطوة بدم نرسمها

وإلي يموت يسلم حبه

يغمض عينه

يلمها بدمعة أعلى الخدين

 

كل خطوة أتسولف أحساس
خطوة بعز ورفعة راس
وتحسدنا أعلى الموت الناس
ونوافي لقطع الأنفاس
وكل سنينه
هالحب كله يصيح حسين

 

يثار الله حبك يكبر

صرخة وتعلى ليوم المحشر

مانتخاذل مانتنازل

أنعيش بخدمة هاي الراية

هاي العبرة

بعد الموت وبالتلقين

 

وبلبيك يعلي الصوت
بيها أتحدينا الطاغوت
صرخة الحد لوح التابوت
نتشوح بيها أمن أنموت
لآخر قطرة
هالحب كله يصيح حسين

 

مرت بينا أيام بحبك

والدنية بغيرك مو دنية

ومن يصير الموت بخطوة

واليوصلك شم أترابك

يفتح صدره

آخر چلمة عالشفتين

 

عن قبرك تمنعنا أعداك
وماموجدين أبلياك
ننسى الموت وماننساك
واليوقع فاز بملقاك
ويضحك نحرة
هالحب كله يصيح حسين

 

يثورة الما بعدك ثورة

من نجري الدمعة أعلى مصابك

ينعمة ونزلها الباري

لا مو بس عاشور أنذكرك

بيك أكبرنا

كل العالم معروفين

 

يل مكتوب بدم ونحور
أنحس فوق الخد يجري النور
يبرق عزنا المنشور
ليش أنته يلمك عاشور
وبحبك صرنا
هالحب كله يصيح حسين

 

سجلنا بدربك مشايه

خدام أنظل تحت الرايه

من توقف تحسب زوارك

عشاق حسين أشماغابوا

أويا المشايه

وبنفس الحب متمسكين

 

نسچب دمعة أويا إلي يبچون
كل مارفت عاليمشون
بلك تعدنا من اليفون
بدربك حتما يتلقون
ونفس الغايه
هالحب كله يصيح حسين

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017