القصيدة الشعبية
مال هالرايه الذي ملفوفه تنشر واللي يزمها انشوفه
عبود غفلة الشمرتي
مال هالــــرايه الذي ملفوفــــــه
تنشر واللي يزمّــها انشوفـــــــه؟
*****
اليمـتـه تبكَـه امطبكَـه بالمحفظـــه
ابسجن مظلم لاهوه اتشوفه اوفضه
واليزمـــها امجتـــفه أمر القضــــه
وحســرته تجذب لهب من جوفـــه
****
عالنياحــه وعالحــزن متولعـــــه
ومن تون لونينها المــيت وعـــه
تــرف جــانت بالحياة امّتعــــــه
وبالجماد امست وسف ما صوفه
****
سجن طالت مدته ومخفي الامـــد
بيه ما يعلم سوى الباري الاحـــد
هم شفت مسـجون بالعالم وجــــد
ابغـير مده امبينـه او معروفـــــه
****
نعم راعيها اليزمها ابها الصفـه
ابسجن بيه عن كل العيون انخفه
ومدته ضاعت على اهل المعرفه
اســـرار غيبّيـــه ولا مكشوفــــه
****
ما السجنك فرج والصبرك حدود
وعكَب هجرك بالوصل تمهي اوتجود
كَالــو الميّت يغيب او لايعـــــود
لاجــــن الحي غيبـــته مألوفـــــه
****
مدد للغــياب واكثـرهن اسنيــــن
عشره يوعشرين جن كَول اربعين
وانته غايب صار الف من السنين
حتــى عدّتــها العده سالــوفـــــه
****
يامن اوجودك الها العالم حفـــظ
وانتظارك فرض وظهورك فرض
الظلــــم والجور عم وجه الارض
حيث لولاك اصبحت مخسوفــه
****
جامــع الاضداد يالمالك مــــثل
منفكَد موجــود غايب متصــــــل
اجريب لاجن مبتعد عن الوصــل
لجن هجرك وزعتنــه اسيوفـــــه
****
ما الثارك طالب اليشفي الصــدر
من صعاليك النواصب والكفــــر
ليمته انظل ابطن حوت الصبر
ابسجــن وامال الفرج منشوفــــه؟
****
