الشعر الشعبي
يا بدر أفراحنه
شعر جابر الكاظمي
يا بدر أفراحنه
عايش بأرواحنه
حكمتك تهدينه
وانته يمهدينه
عايش بأرواحنه
* * * *
يا شعاع اللي هدانه
على العدل يا رمز حبنه
إنت شمعة مجد عالي
تزهي وتنور دربنه
تدري بالروح شضمرنه
وبالكلب تدري شكتبنه
سجلنه بحروف الوفه
صفحات شوق ومعرفه
ياروح روح المصطفى
حبك الطاهر جذبنه
يمن حبك آية
عالهدف والغاية
حبك يدلينه
وانت يمهدينه
عايش بأرواحنه
* * * *
يا غصن روض النبوة
ويا فرع أصل الامامة
بمولدك سيدي انولدت
كل مفاهيم الكرامة
يالذي معناك صار
بغرة المؤمن علامة
من مولدك يا بن الحسن
انولدت مفاهيم السنن
يا بن الرسول المؤتمن
كلبي ناداك بهيامة
انته يا محبوبنه
سكنت وسط كلوبنه
والأمل يكفينه
وانت يمهدينه
عايش بأرواحنه
* * * *
نور بالعالم العلوي
انتشر من وجهك الزاهي
وانته بوجودك يشبل الـ
حسن عالعالم نباهي
مجملك مجمل إمامة
وسرك السّر الإلهي
حبك المعبود افرضه
بي كل كلب مؤمن رضه
لذاتك يذات المرتضى
ما كدر واحد يضاهي
صوت حبنا ينادي
يا سليل الهادي
بالشدد يحمينه
وانته يا مهدينه
عايش بأرواحنه
* * * *
