أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » دلوني دلوني يا ناس دلوني
 الشعر الشعبي

المقالات دلوني دلوني يا ناس دلوني

القسم القسم: الشعر الشعبي الشخص الكاتب: كاظم منظور الكربلائي التاريخ التاريخ: ٢٠١٩/٠٣/٠٥ المشاهدات المشاهدات: ١٦٧٠ التعليقات التعليقات: ٠

دلوني دلوني يا ناس دلوني

كاظم منظور الكربلائي

دلوني دلوني

زينب وأريد المشرعه

 

يا ناس دلوني

يا ناس دلوني

 

 

 

آنه العفت عالمشرعه بدر التام ... زهرة زماني
وعيني عله العلقمي اشلون اسهام ... بيهن رماني
وأمضه وأشد من كل سهم سهم الشام ... صگني وعماني

بعيوني بعيوني

عدكم علم شمضيعه

 

ما شوف بعيوني
يا ناس دلوني

 

 

 

سباح صبري لا تلوه ولا مات .... حافظ كياني
ما جزع گلبي امن الطعن والطبرات .... صبري كفاني
رديت من سبي الدهر والشامات .... زينب تراني

تدروني تدروني

چفين عندي امگطعه

 

والشاطي تدروني
يا ناس دلوني

 

 

 

زينب أنا ومن كربله مصيوبه .... وفاجده الوالي
وين التنشف دمعتي المسجوبه .... وتنظر الحالي
ماريد غير العلگمي وادروبه .... ضيعت دلالي

خبروني خبروني

خليته جثه اموزعه

 

ابعباس خبروني
يا ناس دلوني

 

 

 

خليت أخويه اعله النهر واصوابه .... دمي تجاره
وأديت مرسوم اليسر واحسابه .... وبگلبي ناره
واليوم إجيت الكربله طلابه .... وأطلب أخباره

عينوني عينوني

وابگبره منهو الودعه

 

بأخباره عينوني
يا ناس دلوني

 

 

 

آنه الحله ابفيي العلم مسرايه .... والوالي هيبه
لا ظل علم لا ظل حمه ولا ثايه .... اتسلمها الگربه
يالصوبتكم كربله ويايه .... ابهاي المصيبه

ودوني ودوني

وين الكفلني ومصرعه

 

للعلم ودوني
يا ناس دلوني

التقييم التقييم:
  ١ / ٥.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017