أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » كل سنة بلهفه نتاني الأربعين
 الشعر الشعبي

المقالات كل سنة بلهفه نتاني الأربعين

القسم القسم: الشعر الشعبي الشخص الكاتب: آيار الحلفي التاريخ التاريخ: ٢٠١٨/٠١/٣١ المشاهدات المشاهدات: ١٥٢٣ التعليقات التعليقات: ٠

كل سنة بلهفه نتاني الأربعين

آيار الحلفي

كل سنه ابلهفه نتاني الأربعين

 

حته نتعنه او نزورك يا حُسين

 

 

 

خبر بالتاريخ كالته الرواة
اوعظمت قدره أحاديث الثقات
زيارتك يحسين تمحي السيئات

وحنه من هذا الخبر مستبشرين

 

حته نتعنه او نزورك يا حُسين

 

 

 

يا حسين اهل المناصب ينتهون
ونته حي شما تمر بيك القرون
واليحبونك الكبرك يعتنون

رغم جور العده وظلم الظالمين

 

حته نتعنه او نزورك يا حُسين

 

 

 

يالتريد الخلد والخير المزيد
والله جنة عدن يم كَبر الشهيد
زور كَبر حسين وطلب ما تريد

حته تعرف ليش بي متعلقين

 

حته نتعنه او نزورك يا حُسين

 

 

 

يمشي صوب ازيارتك حته المريض
ما نعوفك لا وحكَ ربنه الحفيظ
بحر جودك دوم عالوادم يفيض

يروي الضامي ويشبع الجائعين

 

حته نتعنه او نزورك يا حُسين

 

 

 

اشكَد لجل هاي الزيارة تحمّلو
شيعتك يحسين وشكَد قدّمو
اتسجّنو تحت الأرض وتعدّمو

بيد عدوانك يرمز الثائرين

 

حته نتعنه او نزورك يا حُسين

 

 

 

هدّدونه وكَالو اليوصل يزور
لغم يتلكَاه ويسكنه القبور
صحت وينك يا لغم يم كَلبي ثور

حتّه افوزن ولتحق بالصالحين

 

حته نتعنه او نزورك يا حُسين

 

 

 

إلغم اوفخخ وفجّر واعتقد
لو ألف وصله تكَطّع هالجسد
ما نعوف حسين ابو العز والمجد

واليعوفه شيكَل رب العالمين

 

حته نتعنه او نزورك يا حُسين

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017