أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » قوم إخذ الثار ...مو كافي إغيابك
 الشعر الشعبي

المقالات قوم إخذ الثار ...مو كافي إغيابك

القسم القسم: الشعر الشعبي الشخص الكاتب: السيد سعيد الصافي تاريخ الإضافة تاريخ الإضافة: ٢٠١٨/٠٢/١٥ المشاهدات المشاهدات: ٣٢٥١ التعليقات التعليقات: ٠

قوم إخذ الثار ...مو كافي إغيابك

السيد سعيد الصافي

قوم إخذ الثار مو كافي إغيابك

عندك أخبار من طول وعدك

بعدك صابر

 

هاي أصحابك يبن الحسن

صارت ضدك أهل الفتن

وإحنه إنكابر

 

 

 

بيد الله يغايب نعلم بأمرك
والهذا السبب عن وعدك إنعذرك
لكن شيعتك والواجب إنخبرك
يالمهدي وصبرنه مو مثل صبرك

نحسبها أيام نتنطر جيتك

إنعيش بأحلام وإنقول إنشوفك

اليوم وباجر

 

حتى إنخبرك بينه إشجره
يا الأوصافك من حيدره
وإحنه إنكابر

 

 

 

كل عام اليمر من عام أشد وأقسه

واليوم الشمر ذاك الشمر نفسه

يذبحنه يريد وإحنه نلتمسه

وجهك كل صبح نتنطر الشمسه

لو طال الليل جم ظالم جائر

نيران وخيل ملتمه اعلينه

وما ظل ناصر

 

بينه يصادر وبلا سعر
ويذبح بينه إبسيفه الشمر
وإحنه إنكابر

 

 

 

إذا نصبر على السيف اليوذرنه

على اليجرح مشاعرنه اشيصبرنه

بدع قاموا يسموها شعايرنه

وهيه المبدأ اليحي ضمايرنه

من أجل حسين مو بس إبجانه

وفاية دين نتوحد كلنه

والكل ثائر

 

وسيل إدمانه وهذا اللطم
إشلون يذلنه سيف الظلم
وإحنه إنكابر

 

 

 

شعايرنه الشريفه من أصول الدين

نتحده اليريد إيقول مبتدعين

ونبقه إحنه الطريق متمسكين

ولا زل الجدم بينه يسار يمين

أفضل منهاج للحق إنشوفه

هذا أشرف تاج من رب الرحمه

ماضي وحاضر

 

اشلون إنعوفه ابطول الدهر
وهاي النعمه وهذا الفخر
وإحنه إنكابر

 

 

 

إحنه نتفق وي صاحب النظره

اليقول حسين عنده العِبره والعبره

وموقف كربله من نحجي ونذكره

بالصوره الجميله لازم إنصوره

هذا المفهوم يا ناس إتقبله

ذكر المظلوم بالعز يروينه

رغم الغادر

 

إنريد إنوصله ابموقف شرف

ويوصل بينه الأفضل هدف

وإحنه إنكابر

 

 

 

التشابيه ولطمنه والطبر عالروس

عشق هذا إبدمانه امن الزغر مغروس

وفضله اعله العقيده ابكل وكت ملموس

شيعه إحنه ولبو اليمه نضحي إنفوس

هاي الأصوات لمن نرفعها

أحياء أموات ذكره ونحييها

ضد كل جائر

 

الكل يسمعها إبطول الزمن
لو ننطيها غالي الثمن
وإحنه إنكابر

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016